Дата добавления: 2017-03-18
Исполнитель: Псалтирь
Рейтинг: 0
Название песни: КАФИЗМА ДВАДЦАТАЯ. Псалом 143
Продолжительность mp3: 01:37
Текст просмотрен: 205
Другие песни исполнителя Псалтирь
1 Благословен Господь Бог мой, научаяй руце мои на ополчение, персты моя на брань.
2 Милость моя и прибежище мое, Заступник мой и Избавитель мой, Защититель мой, и на Него уповах: повинуяй люди моя под мя.
3 Господи, что есть человек, яко познался еси eму? Или сын человечь, яко вменяеши eгo?
4 Человек суете уподобися: дние eго яко сень преходят.
5 Господи, приклони небеса, и сниди, коснися горам, и воздымятся.
6 Блесни молнию, и разженеши я, посли стрелы Твоя, и смятеши я.
7 Посли руку Твою с высоты, изми мя и избави мя от вод многих, из руки сынов чуждих,
8 ихже уста глаголаша суету, и десница их – десница неправды.
9 Боже, песнь нову воспою Тебе, во псалтири десятоструннем пою Тебе,
10 дающему спасение царем, избавляюшему Давида, раба Своего, от меча люта.
11 Избави мя, и изми мя из руки сынов чуждих, ихже уста глаголаша суету, и десница их – десница неправды.
12 Ихже сынове их яко новосаждения водруженная в юности своей. Дщери их удобрены, преукрашены, яко подобие храма.
13 Хранилища их исполнена, отрыгающая от сего в сие, овцы их многоплодны, множащыяся во исходищах своих, волове их толсти.
14 Несть падения оплоту, ниже прохода, ниже вопля в стогнах их.
15 Ублажиша люди, имже сия суть. Блажени людие, имже Господь Бог их.
Иеродиакон Герман Рябцев - Псалом - Кафизма 12
ЖИВЫЙ В ПОМОЩИ ВЫШНЯГО Иеродиакон Герман (Рябцев) Валаам - Псалом - Кафизма 12
Регент Валаамского монастыря иеродиакон Герман (Рябцев) - Псалом - Кафизма 7