Дата добавления: 2016-12-26
Исполнитель: Патриарх Алексий Второй
Рейтинг: 0
Название песни: Молитва Пресвятой Троице
Продолжительность mp3: 03:35
Текст просмотрен: 245
Другие песни исполнителя Патриарх Алексий Второй
Молитва Пресвятой Троице
Пресвятая Троице, Единосущная Державо, всех благих Вина, что воздадим Тебе за вся, яже воздала еси нам, грешным и недостойным, прежде неже на свет произыдохом, за вся, яже воздаеши коемуждо нас по вся дни и яже уготовала еси всем нам в веце грядущем? Подобаше убо, за толикия благодеяния и щедроты, благодарити Тя не словесы точию, но паче делы, храняще и исполняюще заповеди Твоя; мы же, страстем нашим и злым обычаем внемше, в безчисленныя от юности низвергохомся грехи и беззакония. Сего ради, яко нечистым и оскверненным, не точию пред трисветлое лице Твое безстудно явитися, но ниже имене Твоего пресвятаго изрещи довлеяше нам, аще бы не Ты Сама благоизволила, во отраду нашу, возвестити, яко чистыя и праведныя любящи, и грешники кающияся милуеши и благоутробне приемлеши. Призри убо, о Пребожественная Троице, с высоты Святыя Славы Твоея на нас многогрешных, и благое произволение наше, вместо благих дел, приими, и подаждь нам духа истиннаго покаяния, да возненавидевше всякий грех, в чистоте и правде до конца дний наших поживем, творяще пресвятую волю Твою и славяще чистыми помыслы и благими деяньми сладчайшее и великолепое имя Твое. Аминь.
Георгий Свиридов - хор Кредо - Слава Пресвятой Троице - Неизреченное Чудо